Aik Dua

2571260myybddo1ao.gif
Aik Dua

Zindagi aur akhrat k lie

Ah allah hum aajiz bandey teri

paki bayan kartey hain, terey agey

haath phelatey hain. ah allah !

hamarey sagera kabera, chootey

barey, zahir batin, agley peechley

sab gunahoon ko apney fazal se

maaf farma de , hamare khathaoon

ko darguzar farma de. Ah gafoor-

ur-raheem! Hamarey ghunahoon

ko maaf farma dijye.

Ah allah hum apney gunahoon se

sharminda hain, hum sachey dil se

tooba kartey hain, hamari

khataoon ko maaf farma dijye, ah

allah jo gunna jan k kiye hain jo

anjaney mai huve hainen sab ko

apney habib pak aur quran pak

kay sadqey mai maaf farma dijye.

Ah allah ham ko rehmat k daman

mai chuppa lijye. Ah allah hum ko

sachi tooba ki taufeeq atta kar

dijye, ah mabood-bar-haq hum ne

teri ebadat mai jo bohat se qasur

kiye hain sab ko maaf farma

dijye. Ah allah hum gunna gar

hain khata kar hain magar phir bhi

tujh se maafi k talabgar hain.

Ah allah agar tu ne maaf na kiya

to hum kis k dar pe jayein gey, ah

allah tera dur us waqt tak na

choorey gey jab tak hum ko maafi

na mil jaye gee, ah allah agar tu ne

maaf na kiya to hum taba-o-

barbad ho jaye gey hum ko sirf

aur sirf nijat chahye. Ah allah apni

pakeeza abr-e-rehmat se hamarey

gunahoon kay daag dhaboon ko

dho dijye, ah allah hamarey diloon

ko ikhlas kay saath din ki taraf

pher dijye, hum ko pakka aur

sacha musalaman banna dijye. Ah

allah hum ko islam pe esteqamat

atta farma dijye, hamarey

qadmoon ko sirat mustaqim pe

qaim rehney wala banna dijye,

apni raza per raazi rehney ki

taufeeq baksh dijye, jab tak hum

zinda rahein es pak aur alla din pe

qaim rahein, ah allah hum se raazi

ho ja hum ko shaitaan aur nafs kay

shar se bacha, ainda en kay fareeb

se bacha, ah allah apni khaas

rehmatein nazil farma de, ah allah

hum ko din aur raat k fitnoo se

bacha. Jin-o-uns

kay fitnoo se bacha aur hum ko

zindagi aur mot kay fitnoo se

bacha. Ah allah hum ko emaan ki,

illm ki daulat se malamal farma

de, ah allah gumrahoon ko rah pe

le aa, ah allah hamarey

mutaqeleen ko naik banna de aur

din islam pe chalney ki himmat

aur bhaley kamoon ki taufeeq atta

farma de. Ah allah hum ko emaan

k saath , kalmey k saath uthayo, ah

allah hum ko pakeezge ki halat

mai maut dijye.

Ah allah hum ko shahadat wali

maut atta farmayo, ah allah hum

ko namaz ki halat mai, rozey ki

halat mai, emaan ki halat mai mau

atta farmaiyo, hamari maut ko

rehmat banana, zehmat na

banana , ah allah hamare maut ki

manzelain asaan farmana. Hamare

qabar ki manzelain asaan farmana,

hamare qabar ko janat k baagon

mai se aik baag banana, ah allah

hamare qabar ko jahanum kay

gharoon mai se aik ghaara na bana

dena. Ah allah qabar k qeeron

makoron se bachana, qabar ki

taangi se bachana, munkir-o-

nakeer kay sawaloon k waqt sabit

qadmi atta farmana, ah allah

bemaroon ko shiffa de dijye,

kamzoron ko quvat de dijye, hum

ko jismani aur rohani sehat atta

farma dijye.

Ah allah har qism ki bemare se

bacha de, ah allah jo bemar hain

un ko sehat de dijye, ah allah

ikhlaas nasib farma dijye, hamarey

diloon se hasad, bugaz aur keena

dur farma dijye. Hum ko dajal k

fiteny, maut ki sakhti, qabar k

azab, qayamat ki garmi aur

jahanum ki aag se mehfooz

farmaye.

Ah allah taang dasti, khauf

ghabrahat aur qarz k bojh ko dur

farma dijye, ah allah halal roozi

nasib farma dijye, hamarey

karoobar mai apni rehmat se

barkat farma dijye. khasarey aur

nuksaan se bachaye. allah pakeeza

khushada roozi atta farmaye, ah

allah thoorey se rizq pe qanat ki

taufeeq atta farmaye, ah allah

berozgar ko rozgar atta farmaye,

ah hamarey nigehbaan hamari jan-

o-mal, ezaat o abroo, maqan o

dukan har cheez ki poori hifazat

farmaye, zalimoon kay zulm se

bachaye, mazlomoo ki madad

farmaye, ah qudrat waley jo

hamara dushman hai, es k shar se

bachaye, dushmanoo ki napak

neyatoon ko nakam banna dijye,

gaib se hamare nusrat ka saman

kar dijye, hum ko har qism ki na-

gahani afatoon se , musebatoon se

bachaye, achanak maut se

bachaye, hamarey saath rehm-o-

karam ka mamla farmaye. Ah

allah hamare gharelu mushkilaat

ko dur farmaye aur hamarey

gharoon mai khair-o-barkat atta

farmaye. hamarey larkey larkiyoon

ko pak damni naseeb farmaye, ah

qismat bananey waley hamarey

naseeb ko acha banna dijye.

Ah qudrat waley hamare saare

uljhanoo ko dur farma dijye,

tamam naik maradein poori kar

dijye, musalmanoo ko des pardess

chen amno salamti atta farmaye.

Taang dastoon ki taangdasti dur

farma dijye, Be-aulaad ko naik aur

swaleeh aulad atta farma dijye, ah

allah jo safar mai hain un ko

khairyaat se rakhyo.

Ah allah pegamberi zindagi aur

pegambare mauut atta farmayo.

Tarazoo ka palra nakiyoon se

wazni kijye, hamarey chehrey

qayamat kay din roshan rakhye,

hamara nama-e-amal dahney

haath mai atta farmaye. Pul sirat

ka rasta asaan farmaye aur bijli ki

tarha guzar dijye. Apney habib

pak k sadqey mai hamare duaoon

ko qabool farmaye. Ah allah

hamarey aur hamarey waleden k

gunna maaf farmaye, duniya aur

akhiraat mai apni rahmatoon se

nawazye aur janat-ul-firdous mai

bulund darjey atta farmaye.

Ah allah tu hum ko azmaish

mai mat dalna hum bohat kamzor

hain rehm-o-karam ka mamla

farmana. Ah allah pareshan hal ki

parehsanni dur farmana, jin ki

jayez zaroriyaat hain un ko poora

karna. Ah allah shukkar karney

wala dil, zikar karney wali zaban

aur teri yaad mai rooney wali

ankhain atta farma de, tamam

muslims ko 5 waqt ka namazi

bana de, sedehey rastoon pe

hamarey qadmoon ko jama de.

Kamil aur pakka yaqeen ata

farma de. Zaya aur barbad honey

waley amal se bacha le. Thoorey

amal pe zaida se zaida ajr-e-

azeem atta farma de. Hamarey

amal mai sahabi aur sahbiyaat aur

ajdawaj-e-mutahiraat k amal ki

jhalkiyaan atta farma de, en jaisa

jazba din atta farma de. Ah allah

hum ko maangna nahi atta hum ko

atta se atta farma de, jo kuch

behter ho wahi atta farma dijye,

apney naik bandoo pegamberoon

ko jo kuch atta farmaya hai wahi

de diye jis>se unhoon ne panna

mangi hai us se hamare bhi panna

farma dijye, hum ko duniya aur

akhrat ki bhalayan atta farma

dijye.

Ah allah jo hamarey aba-o ajdad

es duniya se rukhsat ho chukkey

hai, un k darjat bulund kar dijye,

un ki magfiraat farma dijye, un ki

qabroon pe rehmat nazil kar dijye,

un ki rohoon ko thanda kar dijye,

janat-ul-firdous mai jagga de

dijye. Hamari chooti motti

ebadatoon ko qabool farmaye. Jo

haath duniya mai terey agey pehlta

hai us ko dusrey kay samney

pehlney se bacha lijye, jo sur terey

agey jukhta hai us ko dusrey k

samney jhukney se bacha lijye.

Hum ko naiki ki khatir umer dijye,

jadoo sifli se bachaye. Din o

duniya ki kamyabi atta farmaye.

Jo baat hum kisi se nahi keh

saktey hamari sari preshaniyaan

app ki nazar mai hai, jaiz maqasid

ko qabool farmaye aur pareshani

dur farmaye

Ah allah hamari kismat mai haj o

umrah leekh dijye, hazri ki

taufeeq aur wasael aur sehat atta

farma. Hamari zindagi ki

mushkiloon ko gamoo ko dukhoon

ko mitta kar khushyaan , rahatein

aur chen leekh dijye. Hazrat Mohd

(P.B.U.H) ne jin zameni asmani

afatoon se panna mang hai us se

hamari bhi panna farma dijye, jaiz

duaoon ko qabool farma lijye

AMEEN.

1 time durud shareef after reading

this, if possible 3 times.

740969w8ds0bg4ie.gif

Our Lord! grant us good in this world

and good in the hereafter,
and save us from the chastisement of the fire

740969w8ds0bg4ie.gif
“Aao Lout chalain apne “RAB” ki taraf….!!”
“SAJDAY MAI GIR KE MANAA LO APNE”RABB” KO…”

740969w8ds0bg4ie.gif

darood1.jpg
740969w8ds0bg4ie.gif

Aap Sabki Duaoun Ka Talib

Ikram Cheema

“In This Life Nothing Happens Until You Make It It.”

740969w8ds0bg4ie.gif

Please Click to Join My Group

Please check Our Blog For Daily Ahadees And Islamic Information
https://lifeforislam.wordpress.com/

740969w8ds0bg4ie.gif
309syti.jpg

By lifeforislam

2 comments on “Aik Dua

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s